ភ្នំពេញ: ជារឿងដ៏គួរឲ្យភ្ញាក់ផ្អើល និងជាលើកដំបូង សម្រាប់តារាសម្តែង ក្នុងស្រុក ដែលហ៊ានចេញមុខ ប្រកាសមិនទទួល ថតខ្សែភាពយន្ត ដែលចម្លងមកពីប្រទេសថៃ មកឲ្យតារាសម្តែងខ្មែរ ថតឡើងវិញ។ សួង សុខារ៉ានីតថា ការចំណាយថវិកាតិច នឹងធ្វើឲ្យខ្សែភាពយន្ត ដែលតារាខ្មែរ ចូលរួមសម្តែង នឹងនាំឲ្យកាន់តែមើលឃើញ ពីភាពកម្សោយនៃ គុណភាពខ្សែភាពយន្តខ្មែរ។
ការលើកឡើងនេះ ត្រូវបានធ្វើឡើង ក្រោយមានការរិះគន់ មួយចំនូន ទាក់ទងនឹងការដែល ឲ្យអ្នកដឹកនាំសម្តែង មកពីប្រទេសថៃ យកខ្សែភាពយន្ត ដែលថៃថត និងដាក់បញ្ចាំងចប់ មកផលិតសារជាថ្មី ដោយតម្រូវឲ្យតារាខ្មែរ សម្តែងត្រាប់ តាមឡើងវិញនោះ។
កញ្ញា សួង សុខារ៉ានីត បានអោយដឹងថា “យើងយករឿងល្បីខ្លាំង របស់គេមកថត ប៉ុន្តែធ្វើមិនដល់គេនោះ នឹងនាំឲ្យមានការមាក់ងាយមួយ”។ ទោះជាយ៉ាងណា
នាងស្នើមិនបញ្ចេញឈ្មោះ ស្ថានីយទូរទស្សន៍ និងចំណងជើង នៃខ្សែភាពយន្តថៃ ទាំងនោះ ជៀសវាងការថ្នាំងថ្នាក់ រវាងផលិតករ និងតារាសម្តែង។ នាងមិនបានស្នើឲ្យ សិល្បករទាំងអស់ ផ្អាកការសម្តែងឲ្យស្ថានីយទូរទស្សន៍នោះទេ ប៉ុន្តែសម្រាប់នាង គឺសុំមិនទទួលថត បើទោះបីជាស្ថិត ក្នុងកាលទេសៈណាក៏ដោយ៕
CEN
ដោយ: កក្កដា
No comments:
Post a Comment