ភ្នំពេញ: ក្រសួងមហាផ្ទៃ បានអនុញ្ញាតឲ្យលោក ព្រំម ពិសិដ្ឋ តំណាងស្ថាបនិកគណបក្សខេមរៈពន្លឺជាតិខ្មែរ បង្កើតគណបក្សតាមការស្នើសុំ ប៉ុន្តែដើម្បីទទួលសុពលភាពក្រសួងបានឲ្យបំពេញបែបទលក្ខន្តិកៈ នៃច្បាប់ស្តីពីគណបក្សនយោបាយ។ ការយល់ព្រមឲ្យបង្កើតគណបក្ស គឺបន្ទាប់ពីលោក ព្រំម ពិសិដ្ឋ បានដាក់លិខិតស្នើសុំបង្កើតគណបក្ស កាលពីថ្ងៃទី២២ ខែវិច្ឆិកា ឆ្នាំ២០១៦។
យោងតាមលិខិតរបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ចុះថ្ងៃទី២១ ខែធ្នូ ឆ្នាំ២០១៦ ជម្រាបជូនទៅលោក ព្រំម ពិសិដ្ឋ តំណាងស្ថាបនិកគណបក្សខេមរៈពន្លឺជាតិខ្មែរ ថា ក្រសួងមហាផ្ទៃបានទទួលរួចហើយនូវសេចក្តីជូនដំណឹងស្តីពីសំណើសុំបង្កើតគណបក្សខេមរៈពន្លឺជាតិខ្មែរ ដែលមានទីស្នាក់ការកណ្តាលតាំងនៅផ្ទះលេខ៣៨ភ៤ ផ្លូវលំ ភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ដោយបានអនុវត្តស្របទៅតាមការកំណត់ដូចមានចែងនៅក្នុងជំពូកទី២ ត្រង់មាត្រា៩ នៃច្បាប់ស្តីពីគណបក្សនយោបាយ។
សម្តេចក្រឡាហោម ស ខេង បានបញ្ជាក់ថា ដើម្បីទទួលសុពលភាពគណបក្សខេមរៈពន្លឺជាតិខ្មែរ ត្រូវបំពេញបែបបទ និងលក្ខខណ្ឌដូចមានចែងក្នុងជំពូកទីគ៥ ត្រង់មាត្រា២០ នៃច្បាប់ស្តីពីគណបក្សនយោបាយ។
CEN
ដោយ: ឧត្តម
No comments:
Post a Comment