នាព្រឹកថ្ងៃទី២៤ ខែធ្នូ ឆ្នាំ២០១៦ លោកបណ្ឌិតប៉ែន បញ្ញា សមាជិកគណៈអចិន្រៃ្តយ៍ គណៈកម្មាធិការកណ្តាល អនុប្រធានក្រុមការងារគណបក្សប្រជាជនកម្ពុជាខេត្តព្រៃវែង បានអញ្ជើញជាអធិបតីភាពក្នុងពិធីសម្ពោធ ដាក់ឲ្យប្រើប្រាស់ទីស្នាក់ការគណបក្សឃុំ គោគខ្ចក ស្រុកកំពង់ត្របែក ខេត្តព្រៃវែងលោកចាន់ រ៉ាន់ ប្រធានគណៈកម្មាធិការបក្សស្រុកបានលើកឡើងថា អគារទីស្នាក់ការគណបក្សប្រជាជនឃុំគោគខ្ចក បានស្ថាបនារួចរាល់ជាស្ថាពររួមមានរបង ក្លោងទ្វារ និងរោងប្រជុំ បន្ទប់ទឹក អណ្តូងទឹក រោងបាយ និងប្រព័ន្ធអគ្គីនីដោយថាមពលព្រះអាទិត្យ ឃុំ នេះក្រោមការដឹកនាំរបស់លោក ប៉ោ ភក្តិ អនុប្រធានក្រុមការងារស្រុកនិងជាប្រធានក្រុមការងារឃុំគោគខ្ខក រួមជាមួយសហការី និងមន្ត្រីក្រុមការងារឃុំ បានរួមគ្នាកសាងអគារ និងទិញសម្ភារៈប្រើប្រាស់ចំណាយ ណាយថវិកាសរុបចំនួន ៤០ ,៥១៩ដុល្លារ។
លោកបណ្ឌិតប៉ែន បញ្ញា សមាជិកគណៈអចិន្រៃ្តយ៍គណៈកម្មាធិការកណ្តាល អនុប្រធានក្រុមការងារគណបក្សប្រជាជនកម្ពុជាខេត្តព្រៃវែង បានថ្លែងនូវការកោតសរសើរចំពោះក្រុមការងារគណបក្សស្រុកកំពង់ត្របែក ដោយឡែក ក្រុមការងារឃុំគោគខ្ចក ដឹកនាំដោយលោក ប៉ោភក្តិ បានធ្វើឲ្យរចនាសម្ព័ន្ធក្នុងឃុំនេះមានការរីកចម្រើនជាបន្តបន្ទាប់ ជាពិសេសក្រុមការងារបានយកចិត្តទុកដាក់ដោះស្រាយជីវភាពជូនអ្នកក្រីក្រ និងបានកសាងទំនុកចិត្តបានកាន់តែច្រើនពីមួយថ្ងៃទៅមួយថ្ងៃ ប្រជាពលរដ្ឋមានជំនឿមកលើការថ្នាក់ដឹកនាំរបស់គណបក្សប្រជាជនគ្រប់លំដាប់ថ្នាក់ ជាពិសេសប្រមុខរាជរដ្ឋាភិបាលសព្វថ្ងៃ ដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា៕
កម្ពុជាថ្មី
សៅគ្រី
No comments:
Post a Comment