បន្ទាយមានជ័យ: លោកស៊ុំ ច័ន្ទគា អ្នកសម្របសម្រួលសិទ្ធិមនុស្សអាដហុកប្រចាំខេត្តបន្ទាយមានជ័យនិងពលករ កម្មករនៅប៉ោយប៉ែតបានអំពាវនាវអោយសមត្ថកិច្ចនគរបាលនិងតុលាការសើុបអង្កេតដោយគតិយុត្តិធម៍និងគ្មានលំអៀងក្នុងករណីប្រទូស្តរាយចោទ ឆ្លើយថារថយន្តប្រធានសមាគមពង្រឹងសេដ្ឋកិច្ចក្រៅប្រព័ន្ធបុកសក្ត័៤នគរបាលឬក៏ជាឆាកល្ខោនធ្វើដួលមុខឡានហើយនាំគ្នាថតបំភ័ន្តមតិនិងភ្នែកសាធារណ:ជននៅច្រកទ្វារអន្តរជាតិប៉ោយប៉ែតកាលពី២ថ្ងៃមុននោះ?
ទោះយ៉ាងណានៅល្ងាចថ្ងៃទី២៣ធ្នូ តុលាការទទួលសំណុំរឿងពីនគរបាលព្រហ្មទ័ណ្ឌនិងចរាចរណ៍ ហើយសម្រេចឃុំខ្លួនប្រធានសមាគម សេដ្ឋកិច្ចក្រៅប្រព័ន្ធ ទៅឃុំខ្លួនបណ្តោះអាសន្នហើយ។លុះដល់ថ្ងៃទី២៤ធ្នូ ពលរដ្ឋជាពលករ កម្មកររាប់សិបនាក់បានមកតវ៉ានៅមុខតុលាការខេត្តសុំដោះលែងលោកឌិន ពុទ្ធី ហើយទម្លាក់ចោលការចោទប្រកាន់។
សូមរំលឹកថា កាលពីវេលាម៉ោង១០:៣០នាទីថ្ងៃទី២២ធ្នូ២០១៦ នៅចំណុច ក្បាលស្ពានច្រកព្រំដែនអន្តរជាតិកម្ពុជា-ថៃ បង្កដោយ រថយន្តម៉ាកតូយ៉ូតាឡិចសីុសRX300 ពណ៌ស្ករ ពាក់ផ្លាកលេក បន្ទាយមានជ័យ២A ៥៤៨៤ បើកបរដោយឈ្មោះ ឌិន ពុទ្ធិ ហៅម៉ង់ ពុទ្ធីជាប្រធានសមាគមសេដ្ឋកិច្ចក្រៅប្រព័ន្ធ។លោកឌិនវុទ្ធី ភេទប្រុស អាយុ៣៦ឆ្នាំ មុខរស់នៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។និងឈ្មោះវរសេនីយ៍ត្រី ឈាន ពីសិទ្ធ ស័ក្តិ៤ ជាជនរងគ្រោះនិងជានារងប៉ុស្តិ៍នករបាលច្រកទ្វារអន្តរជាតិ(អន្តោប្រវេសន៍)ប៉ោយប៉ែត។
មុនកើតហេតុដែលចោទថាជាគ្រោះថ្នាក់ចរាចរណ៍ មានពលរដ្ឋនិងកម្មករជាបក្សពួកអ្នករត់ម៉ូតូ១គ្រឿងរបស់ឈ្មោះ អ៊ីង ធៀន ភេទប្រុស អាយុប្រហែល១៩ឆ្នាំនៅក្រុងប៉ោយប៉ែតដែលជាកូនចៅរបស់លោកឌិនវុទ្ធីបានមករត់ឌុបចាប់ ម៉ូយនៅច្រកអន្តរជាតិប៉ោយប៉ែត។ពេលនោះជាសមាជិកសមាគមពង្រឹងសេដ្ឋកិច្ចក្រៅប្រព័ន្ធរបស់លោឌិន ពុទ្ធិ ហៅម៉ង់ ពុទ្ធីបានបង្ករបាតុភាពអត់សណ្តាប់ធ្នាប់ រញ៉េរញ៉ៃ។លោកឈាន ពិសិទ្ធិ បានចេញហាមឃាត់និងធ្វើសណ្តាប់ធ្នាប់។
ប៉ុន្តែខណ:នោះ លោកឌិន ពុទ្ធិបានទៅដល់ អន្តរាគមន៍រំដោះអ្នករត់ម៉ូតូឌុបអោយជិះឡើងឡានរបស់ខ្លួន។ តែលោករងប៉ុស្តិ៍បានឃាត់ ដោយស្នើអោយចុះមកនិយាយគ្នាសិន ប៉ុន្តែលោកឌិន វុទ្ធីមិនព្រមសហការ ហើយបានជម្រុញអោយអ្នករត់មូ៉តូឌុបជាច្រើននាក់ទៅជួយរារាំងនិងការពារអ្នករត់ម៉ូតូឌុបដូចគ្នាផង។
ខណ:នោះ លោកឈាន ពិសិទ្ធិ បានព្យាយាមរាហាមឃាត់ រារាំងរថយន្តអោយឈប់ ហើយក៏បានទៅឈរពាំងឡាន ទើបត្រូវលោកឌិនពុទ្ធីបើករថយន្តបំបុកបង្ករបួសត្រង់-កនិងជើងហើយសម្លប់រួចត្រូវបញ្ចូនទៅសម្រាកព្យាបាលនៅមន្ទីពេទ្យយោធាថៃនាស្រុកអារញប្រាថេត។
ករណីនេះមានការចោទ ឆ្លើយគ្នាថា រថយន្តលោកឌិន វុទ្ធី បានបុកលោកស័ក្តិ៤ប៉ូលីស។ប៉ុន្តែអ្នករត់ម៉ូតូឌុបនិងលោកឌិន ពុទ្ធី អះអាងថា រថយន្តនោះមិនបានបុកទេ ហើយលោកសក្ត័៤នោះសម្តែងឆាកល្ខោនដួលខ្លួនឯងពីមុខរថយន្តធ្វើជាសន្លប់ដើម្បីទម្លាក់កំហុសមកលើលោកឌិន វុទ្ធី។
បើយោងបណ្តាញហ្វេសប៊ុក បានរិះគន់ថា មន្ត្រីនគរបាលនោះថាដួលសន្លប់តែនៅកាន់វិទ្យុទាក់ទង់និងកូនសោររថយន្តជាប់មិនព្រមលែងឡើយ។ព្រោះឈ្មោះនេះជាសម្រាមក្នុងកែវភ្នែកឬកាត់លាភសមត្ថកិច្ចព្រោះជាមុខសញ្ញាឬអ្នកជួយឈឺឆ្អាល តស៊ូមតិជួយពលករ កម្មករដែលតែងមានបញ្ហានឹងនគរបាលក៏ដូចសមត្ថកិច្ចនានានៅច្រកទ្វារអន្តរាជាតិប៉ោយប៉ែត។លោកក៏មានជាប់បណ្តឹងជាច្រើនរបស់សមត្ថកិច្ចនិងអាជ្ញាធរនៅប៉ោយប៉ែត។
ប៉ុន្តែយោងចម្លើយបំភ្លឺនិងការចោទប្រកាន់នៅនគរបាលចរាចរណ៍ផ្លូវគោកខេត្តនិងនគរបាលព្រហ្មទ័ណ្ឌខេត្តបន្ទាយមានជ័យ ទើបគេត្រូវបញ្ជូនលោកឌិន វុទ្ធីទៅអោយតុលាការឃុំខ្លួនពីបទបង្កគ្រោះថ្នាក់ចរាចរណ៍របួសមន្ត្រីនគរបាលនិងចោទបទប៉ុនប៉ងមនុស្សឃាតដោយចេតនា។
នៅថ្ងៃទី២៤ធ្នូ នៅមុខសាលាដំបូងខេត្តបន្ទាយមានជ័យមានពលរដ្ឋ ពលករនិងកម្មកររាប់សិបនាក់បានមកសុំតវ៉ាអោយដោះលែងលោកឌិន វុទ្ធិមកវិញហើយទម្លាក់ចោលការចោទប្រកាន់ដ៏អយុត្តិធម៌ដូចខាងលើ។ ប៉ុន្តែហ្វូងអ្នកតវ៉ាត្រូវបានរំសាយវិញ ព្រោះថ្ងៃសៅរ៍ តុលាការអត់ធ្វើការទេ៕
CEN
ដោយ: បន្ទាយ
No comments:
Post a Comment