ភ្នំពេញ: ដូចអ្វីដែលបានគ្រោងទុកប្រជាពលរដ្ឋខ្មែរឥស្លាមមកពីតាមបណ្តាខេត្តមួយចំនួនប្រមាណជាង ៥០០នាក់បាននាំគ្នាឡើងមកប្រមូលផ្តុំនៅក្នុងព្រះវិហារចាម នៅក្នុងតំបន់បឹងកក់ ប្រឆាំងការពុះធ្វើផ្លូវកាត់ព្រះវិហារនៅរសៀលថ្ងៃទី២៣ ខែធ្នូ ឆ្នាំ២០១៦ នេះ។
ដោយពួកគាត់បាននាំគ្នាវាយកំទេចរបងស័ង្កសី ដែលព័ន្ធពីមុខព្រះវិហារ ដួលរាបដល់ដី។ ដោយការតវ៉ានេះ គឺមិនមានការប៉ះទង្គិចគ្នានោះទេ។ហើយអាជ្ញាធរមានសមត្ថកិច្ចក៏មិនបានរារាំង ឬក៏បង្ក្រាបដែរ។នៅក្នុងការតវ៉ានេះ គឺជាការតវ៉ាទ្រង់ទ្រាយធំលើកទី២ បន្ទាប់ពីភាគីខាងលោកលោកឧស្មាន ហាស្សាន់នៅតែមានៈធ្វើការពុះដីព្រះវិហារចាមនៅក្នុងតំបន់បឹងកក់។
ប្រជាពលរដ្ឋខ្មែរឥស្លាម ក៏បានលើកបដាសូមឲ្យសម្តេចនាយករដ្ឋមន្ត្រី ហ៊ុន សែន ជួយអន្តរាគមនទប់ស្កាត់គំរោងបើកផ្លូវពុះកាត់ដីវិហារអាល់សាកាល់ (បឹងកក់) ដែលជាទីកន្លែងសម្រាប់គោរពប្រណិប័តរបស់សាសនិកឥស្លាម និងបានស្រែកទាមទារឲ្យបញ្ឈប់ការពុះដីវិហារជាបន្ទាន់។សូមជម្រាបថា កាលពីថ្ងៃទី២០ ខែឧសភា ឆ្នាំ២០១៦ កន្លងមកនេះ លោកអះម៉ាត់ យះយ៉ា បានដឹកនាំប្រជាពលរដ្ឋខ្មែរឥស្លាមប្រមាណ២០០នាក់តវ៉ាប្រឆាំងចំពោះការធ្វើផ្លូវកាត់ព្រះវិហារនៅតំបន់បឹងកក់។
CEN
ដោយ: មុនីរាជ
No comments:
Post a Comment