លោក ប៊ិន ឈិន ឧបនាយករដ្ឋមន្ត្រីប្រចាំការ បានរិះគន់ចំពោះការផ្តល់ដីសម្បទានសេដ្ឋកិច្ចដោយមន្ត្រីក្រសួងបរិស្ថាន និងក្រសួងកសិកម្ម កន្លងមក ដែលក្នុងនោះមានករណីខ្លះសូម្បីតែដីទីស្នាក់ការមន្ទីរកសិកម្មខេត្តក៏ត្រូវក្លាយជាចំណែករបស់ដីសម្បទានដែលត្រូវបានផ្តល់ឲ្យក្រុមហ៊ុនឯកជនដែរ។ ប៉ុន្តែលោក ឧបនាយករដ្ឋមន្ត្រី មិនបានបញ្ជាក់ថាឲ្យបានច្បាស់ថា មន្ទីរកសិកម្មដែលស្ថិតក្នុងដីសម្បទានសេដ្ឋកិច្ចនោះ ស្ថិតនៅខេត្តណានោះទេ។
សូមស្តាប់ប្រសាសន៍របស់ លោក ប៊ិន ឈិនមានប្រសាសន៍ក្នុងពិធីបើកសន្និបាតបូកសរុបលទ្ធផលការងារក្រសួងបរិស្ថានឆ្នាំ២០១៦ និងទិសដៅការងារឆ្នាំ២០១៧ កាលពីរសៀលថ្ងៃទី២១ ខែធ្នូ ៖
ដីសម្បទានសេដ្ឋកិច្ច បានក្លាយជារឿងស្មុគស្មាញ ដោយសារការបែងចែកតួនាទីមិនច្បាស់រវាងក្រសួងបរិស្ថាន និងក្រសួងកសិកម្ម រុក្ខាប្រមាញ់ និងនេសាទ។ កន្លងមក ក្រសួងបរិស្ថាន ក៏អាចផ្តល់ដីសម្បទានសេដ្ឋកិច្ច ក្រសួងកសិកម្មក៏ផ្តល់ ដីសម្បទានសេដ្ឋកិច្ចដល់ក្រុមហ៊ុនឯកជន។ តែក្រោយមករាជរដ្ឋាភិបាល បានសម្រេចផ្លាស់ប្តូរតួនាទី កាតព្វកិច្ច រវាងក្រសួងបរិស្ថាននិងក្រសួងកសិកម្ម រុក្ខប្រមាញ់ និងនេសាទ។ ក្រសួងកសិកម្មមានតួនាទីគ្រប់គ្រងតំបន់វិនិយោគអភិវឌ្ឍន៍សម្បទានសេដ្ឋកិច្ច ខណៈតំបន់ការពារនិងអភិរក្សព្រៃឈើ រួមទាំងជលផលទាំងអស់ គ្រប់គ្រងដោយក្រសួងបរិស្ថាន។
តាមរយៈការផ្លាស់ប្តូរតួនាទីនេះ រាជរដ្ឋាភិបាល បានផ្ទេរគម្រោងវិនិយោគអភិវឌ្ឍន៍សម្បទានដីសេដ្ឋកិច្ចចំនួន ៧៣ ពីក្រសួងបរិស្ថាន ទៅឱ្យក្រសួងកសិកម្ម រុក្ខាប្រមាញ់ និងនេសាទ និងផ្ទេរតំបន់ព្រៃការពារចំនួន ១៣កន្លែង និងព្រៃផ្តល់ផលចំនួន ៥កន្លែង ពីក្រសួងកសិកម្ម រុក្ខាប្រមាញ់ និងនេសាទ មកក្រសួងបរិស្ថានគ្រប់គ្រងវិញ៕
ថ្មីៗ
អត្ថបទ : ខន ចំប៉ា
No comments:
Post a Comment