តារាសម្តែង និងតារាបង្ហាញម៉ូដដ៏ល្បីនៃប្រទេសថៃគឺកញ្ញា Peeranee Kongthai ឬ Matt ដែលប្រិយមិត្តធ្លាប់បានស្គាល់រួចមកហើយតាមរយៈខ្សែភាពយន្តភាគថៃដែលបានចាក់ផ្សាយនៅលើកញ្ចក់ទូរទស្សន៍ភីអិនអិន ដូចជារឿង «កូនក្រមុំរីករាយ» និងរឿង «ភ្លើងស្នេហ៍ភ្លើងគំនុំ»។
តារាវ័យ២៨ឆ្នាំកូនកាត់ថៃ ណវ៉េរូបនេះអាចសម្តែងបានគ្រប់ទម្រង់ទាំងអស់នៃសាច់រឿង ទាំងកម្សត់ កំប្លែង មនោសញ្ចេតនាស្នេហា ហើយកញ្ញានឹងត្រឡប់មកសារជាថ្មីម្តងទៀតដោយសម្តែងជាតួឯកក្នុងរឿង «ល្បិចស្នេហ៍បញ្ឆោតបេះដូង»ឬ Pan Rai Phai Ruk ដែលនឹងត្រូវចាក់ផ្សាយនៅលើកញ្ចក់ទូរទស្សន៍ភីអិនអិន ដោយរឿងនេះតម្រូវអោយកញ្ញាសម្តែងជាតួអង្គដែលមានចិត្តគំនុំគុំគួនវិញម្តង ទៅលើតួអង្គប្រុសគឺលោក Film (Phaisaeng) ហើយនេះក៏ជាលើកទីមួយដែរ ដែល Film បានមានវត្តមាននៅលើកញ្ចក់ទូរទស្សន៍ភីអិនអិន។
ពួកគេទាំងពីរនាក់ នឹងចាប់ដៃគ្នាបង្កើតនូវឈុតឆាក ប្លែកៗ ល្អមើល និងគួរអោយចង់ទស្សនាមិនចេះជិនណាយ រំសាយអស់ទុក្ខកង្វល់រយៈពេលមួយម៉ោងពេញនៅលើកញ្ចក់ទូរទស្សន៍ភីអិនអិន។
«ល្បិចស្នេហ៍បញ្ឆោតបេះដូង» ឬ Pan Rai Phai Ruk ជាភាពយន្តរៀបរាប់ពីខ្សែជីវិតរបស់នាង Kemmik (Matt) ជានារីអាកាសចរម្នាក់ ដែលជីវិតរបស់នាង ធ្លាប់បានដិតដាមនូវស្នាមអតីតកាលដ៏សែនឈឺចាប់និងខកចិត្ត ដោយនាងបានបណ្តែតបណ្តោយខ្លួនជាមួយនឹង Phaisaeng (Film) ជាបុរសសង្ហារ និងជាកូនអ្នកមានម្នាក់ ហើយក៏បោះបង់នាងចោលដោយមិនទទួលខុសត្រូវអ្វីទាំងអស់។ ដោយសារតែការឈឺចាប់នេះហើយ ទើបធ្វើអោយនាងបាននឹកឃើញល្បិច និងផែនការអាក្រក់ ធ្វើយ៉ាងណាអោយ Phaisaeng ទទួលការឈឺចាប់ ដូចដែលនាងធ្លាប់ទទួល ប៉ុន្តែមិនដូចបំណងឡើយ ក្តីគំនុំទាំងប៉ុន្មានក៏ត្រូវបានក្លាយទៅជាស្នេហា។
តើKemmik មានគម្រោងបែបណាចំពោះ Phaisaeng? តើគំនុំគុំគួននេះក្លាយទៅជាស្នេហាដោយរបៀបណា?
ចម្ងល់ទាំងអស់នេះនឹងត្រូវលាតត្រដាងនៅក្នុងរឿង «ល្បិចស្នេហ៍បញ្ឆោតបេះដូង» ចាប់ពីថ្ងៃទី ២៤ ខែធ្នូ រៀងរាល់ថ្ងៃព្រហស្បត្ត៍ ដល់ថ្ងៃសៅរ៍ វេលាម៉ោង ៦:០០-៧:០០ល្ងាច នៅលើកញ្ចក់ទូរទស្សន៍ភីអិអិន បន្ទាប់ពីរឿង «មានសំបុកតែរងារ» ដែលនឹងបញ្ចប់ទៅនៅថ្ងៃសុក្រ ទី២៣ ខែធ្នូ ខាងមុខនេះ៕
ថ្មីៗ
អត្ថបទ : ជី ដាណា
No comments:
Post a Comment